Wednesday, January 03, 2007
禮物
朋友S致電，要送電話繩給一位男性，價錢約一千，問我心水推介。其實有點odd，問我？我曾幾何時會送ｄ咁貴嘅野俾男仔呀？無四年都有三年啦！不過，自問對潮流稍有認識，決定推介佢買bottega veneta，LV太自由行，GUCCI太濫、MARC JACOBS又嫌女仔、HEAD PORTER驚水貨係假野-----BV掛頸電話繩，應該唔會死人！
朋友S又致電，BV電話繩係搵到，不過價錢1099，據了解，對方送佢的BURBERRY頸巾，專門店賣2000幾，DUTY FREE買，即使七折都要1400！朋友S話，唔想俾人覺得似交換禮物，言下之意，價錢太相近唔好，買得太平，又怕對方介意！想點呢？我堅持BV黑色掛頸電話繩。最後：朋友S的男性友人，應該收到果條理論上由我這個素未謀面的陌生人，電話搖控操作揀的BV電話繩。
禮物，應該係你想送俾人，想人地收到開心，你又送得開心。但係而家變成了雙方苦惱的事，你送得貴，怕人送得更貴，又或送得太平，佢係咪對我唔夠重視？你收得貴，怕要花錢買貴禮，更怕送得平，估錯價，佢會唔會嬲我唔夠重視？禮物，似乎失去了原先的意義，變成兩個人內心角力的工具，猜度對方的心意，爾虞我詐，從此開始！
上述經驗本人未畢業己有，人大了，發誓唔會再俾自己做這些損人不利己的事。揀禮物，朋友請教還是會提建議。自己？可免則免！怕收的人煩惱，更怕自己為別人增添煩惱而不自知。
順帶一提，某某人的「禮物」我收到了，告訴你：無謂浪費時間、金錢、精力、心機、腦力、腳骨力、感情、思緒，還有那自以為是的幻想。因為一切換來的，是悻悻然的一句「DISGUSTING」，不會改變我，我就是我。
朋友S又致電，BV電話繩係搵到，不過價錢1099，據了解，對方送佢的BURBERRY頸巾，專門店賣2000幾，DUTY FREE買，即使七折都要1400！朋友S話，唔想俾人覺得似交換禮物，言下之意，價錢太相近唔好，買得太平，又怕對方介意！想點呢？我堅持BV黑色掛頸電話繩。最後：朋友S的男性友人，應該收到果條理論上由我這個素未謀面的陌生人，電話搖控操作揀的BV電話繩。
禮物，應該係你想送俾人，想人地收到開心，你又送得開心。但係而家變成了雙方苦惱的事，你送得貴，怕人送得更貴，又或送得太平，佢係咪對我唔夠重視？你收得貴，怕要花錢買貴禮，更怕送得平，估錯價，佢會唔會嬲我唔夠重視？禮物，似乎失去了原先的意義，變成兩個人內心角力的工具，猜度對方的心意，爾虞我詐，從此開始！
上述經驗本人未畢業己有，人大了，發誓唔會再俾自己做這些損人不利己的事。揀禮物，朋友請教還是會提建議。自己？可免則免！怕收的人煩惱，更怕自己為別人增添煩惱而不自知。
順帶一提，某某人的「禮物」我收到了，告訴你：無謂浪費時間、金錢、精力、心機、腦力、腳骨力、感情、思緒，還有那自以為是的幻想。因為一切換來的，是悻悻然的一句「DISGUSTING」，不會改變我，我就是我。
# posted by 聖記之友 @ 6:17 AM 
