聖記之友私日記

00:00 許了一個無聊的願。
07:45 工作開始，本是懷著好心情的，幻想著這單assignment會給我帶來好運!
10:00 來到了，期待以久的一刻，可惜事情不太順利，但還是抱有希望，積極地繼續工作!
13:00 去了又去這個地方還是要再去，結果當然是沒有得到想要的東西，今後的工作有排煩!
14:45 捱住肚餓會行家，心情仍算好，即使還有assignment要做!
15:45 Maya來電，已經多年不見、失去聯絡的朋友，竟然碰巧今日打俾我，還告訴我佢生左ｂｂ，係女仔，叫Katsumi，好大感觸，一方面真的好掛住Maya，另一方面，驚訝時間過得真快，原來想像不到的事，竟然眨眼間已經發生左，替佢高興之餘亦想親身感受這份喜悅，下定決心死慳死抵都要在年尾去北海道。
17:00 發生了一件令我唔高興嘅事，Ｏ係度諗，我聽日應唔應該去搵一個人，值得咩？醒下啦，妳已經許錯願啦，仲想錯落去？
18:00 同爸爸去飲野，發覺佢又老左D，心裡不禁想起這首歌：錯失太易，愛得太遲
20:00行家們同我慶祝踏入中女之齡，暫時忘記不快，多謝晒：宜婷、詩婷、傑傑、博士、肥強、偉才、EDDIE、阿BEL、仲有翁火(排名不分先後)
23:00 完成獨家試愛，越諗越把火，真係把幾火，真係想聽日唔鬼去！其實唔去又點？人地都無EXPECT你會去，做咩咁多事？越來越憎自己！
23:23 仲有37分鐘，相信我真係許左個好無聊的願了！
23:45 收到霍英東在北京病逝的消息，生日的最後十五分鐘不能歎了，出發，做野，仲有排你受呀，曦曦！

今日撞車，是人生中第一次撞車！撞車其實好小事，但卻發生了一個一包煙的故事～是這樣開始的：

下午獨自由王府井北京飯店，到亞運村五洲大酒店採訪奧組委新聞發布會。的士去到朝陽門就塞起上來。塞下行下，突然間架車「抨」一聲，我就「嘩」的一聲，是撞車嗎？的哥二話不說衝落車與後面的司機理論起來，嘰哩咕嚕的，趕時間如我當然無心機聽佢地講咩。直到一位路人甲的士司機經過.....突然將車停在我部的士前面，然後落車加入戰團，當然佢係企在我個的士司機一方啦！戰線拉長，本人企圖轉車，但路人甲司機竟然唔啋我，無奈地留在車上繼續等，好彩不消多久，就看見撞我架車的司機拿出二百大元，事情告一段落，再出發了。

八掛的我於是問的哥頭先究竟發生咩事，原來，有人為左賠三百定一百元爭論不休。說話時路上仍在塞車，突然的哥又再衝落車，嚇得我呀～以為佢又搵人理論，仲要「ｕｍ」落心口個袋～唔通出架生？後來見到佢「ｕｍ」出的是一包新的中華牌香煙，走到了剛才仗義襄助的路人甲司機處，向車廂中的他遞去，然後你推我讓，路人甲司機收下了那包中華牌。

生活中也有不少人幫過自己，心裡面多謝，但有ｄ位總係好尷尬，開不了口講多謝。有ｄ幫過自己嘅人，其實好想ｈｕｇ下佢，但人大左，呢ｄ舉動總會覺得好肉酸。見到的哥果包煙，我在想，如果撞車的是我，有人幫我，我除左用口講，仲會唔會諗到要實實際際咁報答一個陌生人？果二百蚊修理費對我來講，可能只係一次麻雀數，但對的哥來講，相信可能係佢一日的收入，路人甲司機的幫助，在一包煙出現時，才叫我感動。