聖記之友私日記

朋友q提供真實個案分享：

故事是這樣開始的～朋友ｑ的公司存在女多男少的問題，她是個單身職業女性，屬ａ組member，他則是否available不明，屬ｂ組member。他對她不錯，平時也頗為照顧，一次ｂ組遊船河，他叫上了ａ組的她，活動間有講有笑。她對他是有意思的。

一次他從工作中得到兩張香港迪士尼門票，他對她說，不知約誰去好，好煩。她不語，他和她的故事就此不了了之。如果你／妳是她，當時會...

A) 拍拍心口就問他，那我和你一起去，可以嗎？

B)試探對方，例如問他為什麼不和女朋友一起去呢？

C)和她一樣，沉默不語，等對方開口，因為如何他不開口，或許他並不是想約你，只是想徵求你約誰比較好

D)有其他更好的方法嗎...

例子很生活化吧？不論你是他或她，好多人都試過類似的事情吧？朋友q說一段感情還在曖昧的階段是最快樂的，我不認同，我想她一定很痛苦。朋友q說有人這樣約佢去迪士尼，會很浪漫。係架，如果真係約你去就係囉，唔係嘅話，自己送上門，就燸爆！

好疲，返到香港比在北京更疲，真係誓死都估唔到！今日成日都無停過，又係做到十二點先收工......我仲有幾日返夜嘅日子，點算？！唯一開心嘅係撞返mak姐，其實返香港之後已經想搵佢，但又怕佢忙，今日見到佢精神好左，個人輕鬆左又開心左，覺得或者佢選擇離開真係件好事！mak姐話考完試後再同我地班小鬼gather，好開心呀！

同好人同事傾計，我開始懷疑有人呃我，如果係真的話，我會好唔開心，其實我一路都無介意過人工呢樣野，有人高ｄ有人低ｄ係好正常嘅事，如果有人高過我，呢ｄ係佢努力嘅成果，我都會替佢高興，點解要講大話呢？或者朋友ｊ講得啱，做好人又點，到頭來人地未必對你好。

行家ｋ話，錯過左一樣野，哈哈～其實我又係喎，我地不約而同認為，最唔開心都唔係因為我地錯過左，而係有人無錯過到～唉！我是名符其實的自私精啦，自己得唔到，都唔想人地得到！

狠狠地多謝你地，親愛的朋友，多謝你地請我食左豐富的一餐，多謝朋友ｊ在失戀時仍然出來同我補祝生日，。係度講一聲：我深信妳一定會搵到一個愛妳一世的人！

多謝朋友ｓ送的ａｂ手鍊～真係超爆靚呀！我有戴住訓覺的衝動，多謝妳呢個大忙人在十萬個攰之時都幫我約呢個飯局。

多謝朋友ａ，雖然我地識左唔係好耐，但不經不覺妳都好似同我一齊過左三個生日慶祝之夜了，真心希望我地亦會越來越好朋友！

我今晚話想快ｄ死，其實諗深一層，有你地呢班豬朋好友，又點捨得咁早死呢？事業、愛情都失敗，不過我確信友情不會捨棄我，仲有我的爸媽～也多謝你地一路以來對我的栽培（雖然有負所托，我沒有成才），多謝你地包容我、遷就我，突然覺得好多人都好錫我呀～～點算？！

仲有pak wing，多謝你真係會聽我信口之言，幫我吹晒雞搵人食飯呀，都係我衰，無心裝載，搞到飯局爛尾，唔緊要，我一定一定會補償你地架～例如：狠狠地再同你地食一餐好野，但當然，埋單是要ａａ的！！！因本人實在太窮了，尤其是有計劃儲錢買姑婆屋。

要是你的女友放棄你
我便要開香檳講恭喜
要是你知我已愛上你
可會為求避免鬧劇便撤離
要是我想故意拆散了你
然而我都愛到斷了氣
我只不過妒忌 不得已妒忌
誰人或者嫁給你 我為我生氣
都怪我比她晚了跟你走
難怪我沒法不低頭
要是能對著你自首
我大概做了你新女朋友
也許會 發現你未愛得夠
也許會 逐步逐步害怕你輕浮
結局永遠看不透 若墮進你溫柔
難免會變做前任的女友 (我怕我 漸漸同情舊日的女友)
要是那天我已吻了你
我大概也只得空歡喜
要是我肯決意放棄你
可會越行越遠但是越好奇
要是說出我會永遠愛你
然而我都愛到斷了氣
我怎麼要妒忌 只可以妒忌
但願明天嫁給你 太沒有骨氣
留一步 誰得好
難道破壞你們能自保
但我知 你知道
誰在介入你踏過的路
前一步 來擁抱 難道我便會成為被告
若我都 有分數 難道你便敬重我清高

我要向右還是向左走

兩年了，多謝當日某人爸爸的關心！