Tuesday, December 05, 2006
兩個婚禮，什麼是幸福？
十二月三日，有兩對新人結婚，先講我的堂姐。新郎哥當然是拍拖多年的吳先生啦，戥佢地開心，因為兩個人真心相愛，即使婚後只是過平凡的生活，生於小康之家，但洋溢的溫馨是無價的。堂姐雖不算由細玩到大（因為中學後期已不是經常返杭州），但亦是兒時幾乎唯一的玩伴，獨生的我在平輩當中，算是和她最親的了，見證佢同吳先生拍拖到結婚，我也是百感交集呢！找一個真心愛自己而自己亦愛他的人太難了，所以，真的，相愛就夠了......
另一對結婚的，是r姐姐。比我大不了多少，但屋企係傳統的緬甸人，女兒二十到尾未嫁得出，甚至連穩定的男朋友都無，家人好緊張，硬為她介紹了個緬甸男仔，仲以種種理由迫佢就範，哭了多少次，吵了多少次，但一個女子，要考慮的終歸不只是個人喜好，為了太多原因，她嫁了，嫁給認識唔夠一年，都唔知叫唔叫做拍過拖的「他」，由緬甸到香港到澳洲再回到緬甸，落地生根，做金鋪老闆娘。
堂姐和r姐姐，到最後誰更快樂，誰更幸福呢？知道r姐姐的遭遇後，我一直講，死都唔會學似佢咁，寧願一世嫁唔出！但係，可以咩？或者，錯過了太多自己鍾意嘅人，到最後，為左種種理由，我會同r姐姐一樣，嫁俾一個自己唔鍾意、無感情的人。最近發現自己好善變，善變、虛偽到唔認得自己，亦傷害左自己。或者在我成長過程中，曾經傷害過好多我身邊嘅人，如果係，我願意講一聲「對不起」。
# posted by 聖記之友 @ 5:39 AM 
